Mekong Delta

Die Mekong Delta is awesome! Het die afgelope 2 dae bietjie daar gaan rondkrap.
Kan nie alles beskryf nie, sal maar die hele storie vertel as ek terug is by die huis.
Hier is van die hoogtepunte


Ek drink slangwyn in die 'fabriek' waar hulle kokosneutlekkers maak. Het ook piesangwyn en kokosneutwyn probeer. Slangwyn die beste, maar nie een baie goed nie.




Hier ry ons fiets op een van die eilande. Pap wiele, geen remme wat werk nie en voel of ek op die grond sit. Amper 'n paar keer deur 'n skooter getrap ma darem oorleef. Het ook geeet op die eiland.



Ons het toe met klein boodjies op van die kanale gevaar, 'n paar verkeersopeenhopings teegekom op die water. Meeste van die roeiers is vroue(soos dit hoort!haha).
Daarna was ons na 'n 'Heuningplaas' waar ons heuningtee gedrink het en ook die knapie ontmoet het!


Die aand het ek die opsie gekies van 'homestay'. Van ons het oorgebly by 'n Vietnamese familie se huis. Jy slaap in 'n kamertjie langs die huis, amper soos 'n backpacker. Natuurlik was daar omtrent geen matras op die bamboesbetjie nie en dit was maar 'n rowwe nag! Het darem baie lekker geeet by die familie, regte vietnamese style. Bo is my slaapplek(merk op hulle voorsien tot 'n tandeborsel, tandepaste en 2 ou vuil handoeke!) en die uitsig na die huis langsaan(Al die plekkies maar dieselfde.)

Vanoggend is ons 5h30 en het in die reen hulle landerye gaan besoek. Hulle boer met waartlemoene en kry so 3 oeste per jaar. Die hele familie boer natuurlik saam. Was baie cool om so in die reen deur die landerye te stap.


Ons laaste stop was die floating market waar almal kom smous met hulle vrugte en groente. Ek het die indruk gekry dis nie eintlik vir toeriste nie, maar meer hulle water supermark vir almal wat op die rivier bly. Ons het ook 'n rys-noodle 'fabriek' besoek oppad terug.

Nou ja, dit was 'n besige 2 dae maar definitief die moeite werd!